探射燈：師弟寸師姊 心和口不和
「練水嘅人，可能都係沉靜啲，唔太識表達。」Natasha為怕醜的師弟John辯護，二人自小同於大埔游泳會師承鍾元習泳，可謂青梅竹馬，但除了游水，師姐弟私下其實「冇乜嘢可傾」！
講貪靚唇槍舌劍
「唔通同佢（Natasha）講扮靚咩！」性格慢熱的John在訪問中，一直寡言；不過一提起師姐的「扮靚經」，即忍不住嘲諷師姐。事緣記者發現Natasha每次比賽，都會美甲，非常搶眼，「點解個個都咁講嘅……咁女仔十八歲，個個都貪靚㗎啦！」Natasha甜笑解釋，強調只是「少少貪靚」，即惹師弟「斜睥」反問，「咁叫少少呀……」二人一番唇槍舌劍，其實暗地裏卻感情極之要好。
惟有重提游水，二人睇法卻非常一致，「玩渡海泳會結識唔同泳手，一起交流心得，有部分仲會成為好友，依家都有聯絡。」小師弟認同地回應，「出外比賽得多，眼界闊咗，覺得個人都會沉實同成熟啲！」