探射燈：驚人耐力 四年游4000池
國際公開水域的泳賽，一般分五公里及十公里，如果以泳池每五十米一個直池計，Natasha和John每次比賽便需游畢一百或二百個直池，聽來真夠嚇人。
「訓練時發現咗佢哋有驚人嘅耐力！」教練鍾元坦言兩名愛徒曾因短途成績不理想，對游泳亦曾欠缺自信，及後鼓勵二人試游長途賽，才重建信心。而鍾的教水哲學對Natasha和John更是影響不小，「游泳唔一定要喺泳池，仲可以喺海、江、湖、泊，應該引伸至生活上去享受游泳。」鍾指出，年輕泳手先玩長途賽，待身體肌肉成熟後，再重回短途賽，更有利發展。
訓練無標準 經驗最重要
由於此海不同彼海，根本難有一套應用於渡海泳訓練的標準，所以比賽的經驗累積至為重要。他說：「落到海跟邊班人游，睇水流、睇風向都係泳手嘅策略。四年來，佢兩個比賽夾埋游咗二百幾公里㗎喇！」記者一算，豈非等如四千幾個直池！