八達通產品報失即報廢
八達通滲透力無遠弗屆，全港現有約二千萬張八達通卡或相關產品，各公共機構去年拾獲乘客遺失的八達通產品便逾七千件，惟一旦報失便會功能盡失！有巿民報失八達通手錶後旋即尋回，要求八達通公司重新「開卡」時，竟獲覆「報失咗就開唔番」。關注團體促八達通公司將重新啟動已報失八達通產品納入服務範圍，讓消費者有更佳保障。
八達通產品五花八門，手錶、電話吊飾、匙扣、掛飾等一旦加入內置八達通功能，身價即大幅提升。陳小姐年前便以四百多元購買具有八達通功能的膠手錶，「隻錶冇牌子，同幾十蚊嘅膠錶冇分別，因為有八達通功能，仲可以自動增值，見幾方便就買嚟用。」早前，陳發現手錶不翼而飛，即時報失以減低損失。
未幾，陳尋獲手錶後，即時要求八達通「開番隻錶」，「佢話報咗失就開唔番，仲話要收報失手續費，科技咁進步，有乜理由報咗失就開唔番？」陳堅持手錶內有個人資料，認為確認物主不存在困難，質疑八達通「逼人買過隻新嘅」。
八達通發言人拒絕透露過去巿民報失八達通的數字，只解釋基於保安理由及保障客戶利益，凡成功報失的八達通不但會被收取二十元手續費，同時亦不能重新啟動功能。發言人又稱，報失系統會提醒巿民「報失確認後將不能取消」，而自動增值服務的申請資料亦會列出「八達通取消後，將無法重新使用。」
可循小額錢債處索償
民間監管公共事業聯委會發言人蔡耀昌認為，從客戶服務角度出發，如八達通卡主失而復得，八達通公司應讓已尋回失卡重新啟動，「冇實物喺手都可以取消，理論上亦可以開番！」蔡指八達通產品愈出愈多，八達通公司應清晰交代條款，讓消費者衡量購買與否。
「電子嘅嘢，一般可以隨時開隨時閂，只要畀指示個系統，鎖卡開卡都唔複雜！」城巿大學電子工程學系副教授鄭利明指出，已報失的八達通在技術層面上可以重開，估計商業機構為減省行政工作，才會拒絕重開相關產品。法律界人士梁永鏗表示，八達通倘無法重新啟動，即代表物品與原銷售功能有別，「隻錶買番嚟有兩個功能，依家得番一個」，市民便有追討理據。如欲追討者，可先向相關公司提出退貨、退錢等，倘無法達成共識，則可透過小額錢債審裁處索償，「時間可能會耐咗啲，之但係就算輸咗，蝕晒都係百零至幾百蚊！」
記者 莫麗珊