卅間中學喺新學年因收生不足面臨殺校危機，教協代表學校同教育局講數，早前講明政府唔讓步就遊行上街，仲會叫齊教師出嚟申訴。尋日教協同教育局再開會，商量件事點解決，教育局局長孫明揚表明會考慮暫緩殺校一年，但具體措施尚待落實。教協原本周末會搞個申訴大會，叫晒卅間中學教師出嚟現身說法，依家殺校有轉機，教師應該保得住個飯碗，教協就將申訴大會改為團結大會，今次香港教育專業人員協會會長馮偉華都算放孫公一馬囉！