福建幫頭領、全國政協委員盧文端早前去完歐洲旅行返港，前日又再出發到河南考察尋找商機，雖然行程安排得密密麻麻，但佢依舊風雨不改定期約妹妹食飯培養感情。啱啱過去嘅周日，卓妮就見盧文端同妹妹喺置地廣場Cafe Landmark食晏談天，傾到雞啄唔斷。盧生當晚又出席一場佛教千人齋宴，佢話自己喺媽咪耳濡目染下信佛，依家每逢行過廟宇都會入廟拜神，當然會食吓齋啦！
