探射燈：助學生訂目標 投放全部感情

過分專注未必最好

將一個又一個的暴風少年「淨化」，絕不容易。陳兆焯坦言，亦需多番試驗。陳兆焯曾讓重考公開試的學生暫停所有服務的工作，專注學業，不過效果卻未如理想。「當你嘅生活只剩下讀書，個人就會愈來愈自我，眼中得番自己，反就會嫌棄好多嘢。」

陳兆焯認為無論是哪一代的年輕人，都希望得到尊重、得到愛。身為老師的陳兆焯會為學生訂立合適的目標，「有一次打完籃球比賽，對方個教練流住淚行過嚟鼓勵我嘅學生，佢話無見過一隊波，對手有七十二分，自己得十二分，落後六十分仍然打到最後一秒，其實我同學生訂咗個目標，唔可以畀對方攞到七十五分。」