政情：林鄭死撐三招十四式

政府上星期五推出三招十四式，諗住為樓市降溫，點知前日拍賣亞皆老街同紅磡灣兩幅地皮嘅時候，反應非常理想，超逾市場預期上限，外界估計平均每方呎樓面地價接近萬元，難怪外界覺得政府新鮮出爐嘅降溫招數唔奏效。不過發展局局長林鄭月娥尋日以署理財政司司長身份露面時就死撐話，呢個拍賣結果雖然都反映發展商對市場嘅睇法，但係亦反映某個發展商對一啲地段嘅評估，言下之意即係話唔等於新招唔奏效喎。