探射燈：瞓街男「餵蚊夜」嘗盡冷暖
「我以後唔可以再取笑乞兒啦，瞓街真係好可憐！」學額何價？過千名IVE學生為學額瞓街，有兩日沒有洗澡的男學生分享輪候學額訴苦說，期間受盡蚊叮蟲咬、蟑螂為伴，通宵難眠，轉入IVE校舍內睡覺卻冷氣低溫如雪格，並要定時報到，「真係好似坐監咁！」
二十歲的IVE黃同學會考只得七分，報讀IVE基礎文憑後，今年希望升讀IVE航空及客運服務高級文憑課程，因課程學額只得六十個，有消息說學校將預留一半學額給會考生，故此他提早三日即廿四日到IVE黃克競分校瞓通宵排隊。
「真係好似坐監咁」
當晚被蚊、蟑螂圍攻，「眼光光望天光」，至天亮更被猛烈陽光「乾蒸」，「當時又怕離開會無咗個位，真係好慘！」其後因不滿前面「四個人幫廿個人排隊」，轉往IVE摩理臣山分校，獲學校安排進入校舍演講室內睡，度過第二夜。
室內氣溫「凍到打冷顫」，昨晨六時半就有職員突開燈向熟睡學生大喊「起身啦！要登記啦！」但眾人仍惺忪未醒，「之後仲要定時登記，唔可以走，真係好似坐監咁！」黃同學兩日沒洗澡、手提電話又電池耗盡，但若今天不獲該課程取錄，便會考慮八月四日前再來瞓街排隊，「跟會考生一齊爭學額囉，先到先得嘛！」