政情：阿Paul變立會事旦男

答問大會嘅原意，本來係畀立法會議員向特首質詢，但尋日大部分議員都喺提出問題前花時間潤煲呔曾。公文袋梁家傑就寸煲呔曾將「玩鋪勁」承諾忘記得一乾二淨，又話佢授勳畀自己友，先捨得入正題；白鴿黨李華明亦都提醒大家，社民連嘅陳偉業曾經為煲呔曾提名選特首，後來先補番句：「不過我都唔係問你呢樣嘢。」

當社民連議員指住煲呔曾大叫大罵時，阿Paul突然舉起佢愛妻白韻琹早前參選時用嘅「沒有文明，豈有民主」示威牌，慢慢走向黃毓民，仲作勢拍咗佢一下，然後即刻離場，完全冇嗌過一句口號，冇講過一句批評嘅說話，總之就係一名「立法會事旦男」。