食署靠呃報檔逼入窮巷

譚女士的父親持有固定攤位（報紙）小販牌照，四十年前已在皇后大道中經營報檔，見證着中環一帶變遷。譚父九○年病逝後即由譚女士接手經營「家族生意」。譚指報檔原位於銀行門外，多年來未移半步，直至○四年，警務處突然租用銀行舖位開設警察服務中心，並指報檔阻礙出入，要求譚遷至附近商業中心對出行人路經營，「食環署啲職員話係臨時嘅，所以我仲諗住警察中心搬走咗就可以返去擺（檔）。」

臨時安排變永久

直至去年十二月，商業中心進行外牆維修，食環署又以臨時性質為由，要求譚遷至中心旁橫巷擺賣，譚亦要求在工程完成後遷回商業中心外。不過，工程進行期間，食環署人員又以「方便巡查」為由，要求譚在續牌時將地址改為橫巷，她說：「我懷疑過有問題，但食環署實牙實齒話係臨時安排，連啲文件都係咁寫㗎！」惟當工程完成後，譚要求遷回警察服務中心或商業中心外均被拒。譚指遷至橫巷後生意額大跌五成，與食環署理論又不果，不滿「畀食環署呃咗！」

「食環署好明顯就係冇誠信喇！個報販喺嗰度擺咗咁多年，冇可能唔畀人搬番出去，咁做好唔合理！」立法會民政事務委員會委員王國興建議報販可考慮向立法會申訴部、或申訴專員公署求助，要求食環署就事件清楚交代。

食環署發言人表示，警方於○四年在上址成立服務中心，遂安排報檔永久遷至鄰近商業大廈對出行人路。

臨時 食環署指商業大廈完成維修後，行人路收窄一米故不宜報檔經營。

現狀 被食環署「勸退」至橫巷擺檔後，報檔生意大跌五成。

辯稱行人路收窄

發言人表示，去年十二月因大廈進行外牆工程，報檔須暫時遷到旁邊橫巷經營，惟改建後行人路收窄近一米，認為報檔不宜遷回原址。當局已通知報檔負責人並解釋情況，目前仍與負責人就報檔營業地點問題磋商。

警方發言人稱，中西區警署在○四年由荷李活道遷往軍器廠街，為方便市民報案，遂決定在皇后大道中開設報案中心。基於安全理由及為免造成阻礙，警方認為報檔不宜在門外經營，故要求報檔移往附近行人路上繼續經營。

記者 陳鉑霖