肺癌強叔瀕斷藥再求援
將近六十歲的單親爸爸周耀強勞碌半生，原以為將可享受兒孫之福，未料卻患上肺癌。強叔耗盡畢生積蓄接受標靶藥物治療，癌魔雖一度受控制，但又因糧盡援絕而耽誤治療。強叔無計可施而向東方日報慈善基金求助，獲善長捐款逾七萬元，得以繼續接受治療。由於善款用罊在即，餘款已不足以支付來次藥費，斷藥危機瀕現。
不煙不酒的強叔靠任職運輸工人養活一對子女，未料看似健康的軀體竟罹患惡疾，「我唔食煙，但周圍啲工友食，避都冇得避，醫生話可能吸咗咁多年二手煙，所以搞到有肺癌。」患病已成事實，強叔只有樂觀面對，「怨都冇用，我有少少積蓄，諗住做完治療就冇事。」
每月藥費逾萬三
惜天意弄人，療程完成後，癌魔卻未有遠離，僅短時間暫停服藥，癌細胞即再度活躍，「啲積蓄就嚟用晒，諗住試吓停（食）一陣，點知一停個腫瘤就發大，食番先穩定番！」由於積蓄快用罄，強叔無法支付每月一萬三千八百元藥費，性命危在旦夕，礙於子女各有家累未能施以援手，只好向東方日報慈善基金尋求最後機會，「我係過來人，知道一頭家嘅擔挑有幾重，對仔女如果畀咗錢我買藥，啲孫就唔使食。」
在善長慷慨解囊下，強叔得以繼續接受療程，令病情穩定下來，但目下卻又面臨斷藥危機，盼有善心人士再度雪中送炭。「多謝善長嘅幫忙，冇佢哋我可能已經唔喺度，真係無言感激！」
捐款編號：11824
記者 莫麗珊