前天文台長林超英退休後瞓身環保事業，經常教人過簡樸生活，尋日佢直情挑戰國家方針，直指社會愈繁榮就愈唔安定，黑英唔單止愈來愈敢言，金句仲愈嚟愈多添。尋日黑英上電台推介自己本新書時，批評用消費推動經濟嘅政策會衍生好多問題，因為人有愈多追求就愈唔安分，仲好煩惱添！佢突然話鋒一轉，話繁榮安定嘅講法係錯嘅，事關如果財富分配不均，咁愈繁榮就愈唔安定，仲隱藏住爆炸嘅可能性添！
