政情：袁天凡紅館「刀鋸美人」
財技高超嘅財經界名人袁天凡（Francis），原來佢仲有另一樣絕技，就係玩魔術。前日香港及九龍華仁書院舉辦校慶籌款音樂會，Francis表演驚險萬分嘅刀鋸美人，全程手法熟練，贏得全場熱烈掌聲。Francis笑謂，發夢都冇諗過會喺紅館表演魔術。
Francis係華仁嘅傑出校友，佢對母校一向好支持，曾經同友人豪捐過千萬畀學校，今年校慶籌款活動梗少不了佢啦！Francis話，佢為咗令呢個表演盡善盡美，好認真咁練習咗兩個月，難怪佢喺台上表演時可以咁熟練。Francis首次登上紅館表演魔術，佢笑言好似發緊夢！
Francis同佢太太李慧敏（Rose）一向恩愛，今次太太都有幫手揀戲服，當晚又全程陪住老公。Rose原本係滙豐高層，去年退休後繼續做滙豐顧問，兩公婆都咁叻，難怪咁合拍啦！