中環耳目：劉大貝戴真絲領呔生猛晒
香港台灣工商協會副會長劉大貝（Darby）近排愈忙愈開心，事關佢成為「香港台灣商貿合作委員會」成員後，頻密參與港台事務，連內地官員都主動接觸佢了解台商對兩岸三地事務嘅睇法。早前佢戴咗條BOSS真絲靚呔出席活動，襯到佢更加意氣風發。
堅持「快走」當運動
Darby話，佢鍾意BOSS嘅領呔手工質感好，打上條靚呔即時成個人生猛晒。至於佢套西裝牌子係Winspol，佢笑謂係喺吉之島買嘅，好平啫！Darby身材高大，咁多年來堅持日日「快走」當運動，所以身材夠晒弗，卓妮見佢着住剪裁稱身嘅Winspol，又的確襯到佢幾英挺噃！
德國品牌HUGO BOSS，一直崇尚為成功人士塑造專業形象，設計風格凸顯男士陽剛味。HUGO BOSS嘅領呔採用真絲，質料滑不溜手，滲出一份精緻、自信及堅持經典嘅感覺。