中環耳目：殿堂級朱古力專門店

香港太子大廈嗰間專門店，除咗提供多款濃郁軟滑朱古力，仲有自家製朱古力糕點、雪糕及雪葩。朱古力誘惑難擋，客人可以安坐茶座，來一杯用百年品牌茶包沖泡嘅紅茶送朱古力甜點。店內推出嘅甜品，包括朱古力泡芙條、焦糖泡芙條、朱古力紅莓慕絲蛋糕等。

話晒係朱古力專門店，佢嘅朱古力飲品每杯賣五十元，咖啡反而賣卅五蚊，呢度嘅雲呢拿熱朱古力同香中帶fruity味嘅黑朱古力飲品，都一樣咁出名。嫌飲品唔夠消暑，不妨試杯海鹽焦糖雪糕，或者係滲有杏桃蜜餞嘅朱古力慕絲雪糕，「冰」走炎夏悶氣。