中大早前以政治中立為由，拒絕學生會將新「民主女神像」放置喺中大校園，引發極大回響。候任中大校長沈祖堯曾企圖為事件降溫，兼為現任中大校長劉遵義拆彈，故寧願承認「事件處理唔係最好、做法唔成熟」，以向學生示好。不過，就快退休嘅校長劉遵義尋日首度開腔回應時，卻堅稱事件係行政與計劃委員會，經過二十人不記名決定通過，所以唔可以話係無經詳細考慮嘅做法。不過好彩大家都話，唔啱傾到啱喇。
