運輸及房屋局局長鄭汝樺放售豪宅，叫價仲愈叫愈高，尋日佢喺一個公開場合被問及豪宅求售事件，佢話基於家庭情況有變，依家已經唔打算賣樓，只不過冇主動向地產代理更改資料，地產代理於是不時打電話畀佢問情況。既然地產代理不時打電話畀佢，咁即係有大把機會同人講自己已經決定唔賣樓，但佢冇咁做，令人聯想起可能一個人兩條心，當有人願意出高價，佢依然會心動嘅。