拆「美食天堂」招牌

冰鮮雞難登大雅之堂

對於港府施行的活雞政策，名廚周中不屑地說：「嗰班政府高官識食雞咩？」他直言，冰鮮雞與活雞味道及肉質相差很遠，「係人都諗到，同鹹魚一樣，死咗又雪過嘅雞，啲肉梗係又霉又淋滋滋。新鮮劏即煮，肉質纖維仲有彈牙，且鮮味啲，否則價錢都唔使差三倍啦！」

他語帶諷刺地說：「呢個政府無得救，將來香港細路仔可能以為雞天生係光脫脫，淨係識得食炸雞、炸魚，根本唔識分食物真正味道。」他為本港飲食業悲哀，業界隨時因港府的政策而走向末路。

經營私房菜館的食家劉健威亦狠批食衞局的政策荒謬，認為政府當初要求本地雞場交還牌照的做法極不合理。他指出，冰鮮雞質感和雞味俱無法與活雞相比，冰鮮雞肉質較為粗糙、味道較單調，以任何烹調和調味技巧亦無法補救該等缺點，更遑論用來炮製白切雞及煙熏雞等講究雞味的菜式。