【本報訊】「呢件事可以發生喺任何一個人身上，銀行應該為每個客守住戶口，點可能隨便畀個戶口亂扣錢？」徐先生批評涉事的滙豐銀行嚴重疏忽，又認為連同早前滙豐櫃員機遭匪徒安裝讀卡器盜款，從而揭發滙豐未按金融管理局○三年指引全面加裝鍵盤保護罩的事件，均反映銀行服務質素下降及內部管理出問題，質疑與銀行減省人手及資源有關，要求滙豐銀行有合理交代，否則不排除會向銀行索償及向金融管理局投訴。
徐先生認為事件中他與無端被扣數的區姓人士均是受害者：「如果換轉第二個知道錯咗都唔出聲，一直由得有人幫佢畀錢，咁對方咪好無辜？又如果我十年八載之後先發現，舊錢唔係五千零蚊而係五萬、十萬咁又點計？時間即係金錢，換轉喺美國、英國，我哋兩個都可以向銀行索償！」
消費者委員會過去兩年分別接獲八宗有關自動轉帳服務的投訴，今年首四個月則有兩宗，主要涉及終止繳費被拒。發言人提醒消費者要保障自身權益，最重要是核對帳項，遇到轉帳金額與帳單不符就即時向銀行查詢。