政情：CY善用拐杖開
門
行政會議召集人梁振英（ＣＹ）舊年同家人去北海道滑雪時，不慎扭傷左腳膝蓋十字韌帶，不過傷勢唔嚴重，所以一路拖到近期先做手術根治腳患，搞到ＣＹ呢排出入都要拐杖相伴。ＣＹ尋日去開行會，以往佢一定喺政府總部正門落車，之後好瀟洒咁行上總部嗰條幾十級嘅樓梯開會，尋日佢就要棟住支拐杖趷趷吓，而且只能以搭代步，不過就畀佢發掘到拐杖嘅另類用途添。
ＣＹ話晒係疑似下屆特首候選人，尋日雖然行動不便，依然無阻佢同傳媒打交道，仲有機會建立親民形象。佢等電梯時好識做咁企定定畀記者任影唔嬲，仲有問必答，交代自己腳患康復情況。ＣＹ話隻腳好得七七八八，過多兩個星期連拐杖都唔使用，相信到時又可以好似以前咁健步如飛。
不過，ＣＹ一味顧住講自己隻「痛腳」，講到到都唔發現，當佢眼尾瞄到門就要關上時，即時靈機一觸，將手上嘅拐杖對正門隙一篤，門即時開番，佢就閃入部上去開會，好識得善用拐杖！