政情：小霍嘆24小時唔夠用

港協暨奧委會會長霍震霆（Timothy）喺體育界做大義工，本身又要專注霍家家族生意，忙到無時停。我哋尋日下晝喺中環太子大廈門外遇到戴住黑超嘅Tim霍等候座駕，原來佢準備趕上南沙開會，但當時已經成四點半，趕到上去南沙咪天黑？Tim霍無奈話：「係呀！近排公司工作好忙，聽日（今日）又要趕返香港開立法會，廿四小時都唔係好夠用，好彩香港有啟剛和啟山兩個仔幫手，分工合作。」
華置董事劉鳴煒（右二）尋日親自到鄉議局推銷「香港精神大使」計劃，發叔（左一）親自接待。 （麥迪仁攝）
華置董事劉鳴煒（右二）尋日親自到鄉議局推銷「香港精神大使」計劃，發叔（左一）親自接待。 （麥迪仁攝）

捐五百萬元予青海賑災

不過，Tim霍除咗體育和霍家生意外，仲要兼顧多一瓣，就係霍英東基金會嘅工作。青海大地震引致傷亡慘重，Tim霍尋日就以基金會名義捐出五百萬元予災民救急，佢話做慈善都係秉承先父霍英東嘅遺願，如果有需要，可能會再加碼都未定。鄉議局主席劉皇發尋日都聯同副主席張學明及林偉強等一班鄉紳，以鄉議局名義捐五十萬元到內地賑災。

霍震霆一人兼顧家族生意、霍英東基金會及體育三項重要工作，仲要做埋議會，大嘆一日廿四小時唔夠用。 （陳嘉順攝）
  • 霍震霆一人兼顧家族生意、霍英東基金會及體育三項重要工作，仲要做埋議會，大嘆一日廿四小時唔夠用。 （陳嘉順攝）