立法會飲食界代表「廿蚊張」張宇人早前一句話最低工資時薪應訂喺廿蚊水平，立即畀全港鬧爆，其後「廿蚊張」出嚟道歉都於事無補。尋日「廿蚊張」又出嚟發表飲食界就最低工資水平調查，死死氣地將工資水平「提高」到唔可以低過時薪廿四蚊，不過就話如果大家用廿四蚊嚟攻擊佢或掟到佢，佢一定肉痛過畀廿蚊掟，因為點都會多咗兩個兩蚊銀喎。「廿蚊張」扮風趣，都係想減低社會不滿，但一言既出，駟馬難追，「廿蚊張」始終要打倒昨日的我！