政情：廿蚊張遭公民黨派「錢」抽水

公民黨尋日推出無論用色同設計都好似一張真廿蚊嘅宣傳品，不過呢張仿銀紙就係「LCFC」出品，代表立法會功能組別，大小亦比一般嘅廿蚊大張，等市民唔會認錯。「銀紙」上最搶眼嘅當然係印有廿蚊張嘅嘜頭，相中嘅廿蚊張微微O嘴，實行令市民睇一眼就記起佢嘅「廿蚊論」，簽發紙幣嘅總經理仲叫做「廿蚊張」，銀紙另一邊就寫滿廿蚊張早前反反覆覆嘅言論。

公民黨雖然有創意，不過製作就略嫌馬虎，將投票日期寫錯咗做「LC010516」，等人以為○一年五月十六日有選舉，而唔係一○年。