街坊當談判專家救企跳癌翁
【本報訊】秀茂坪一名疑患肺癌八旬翁，昨在行人天橋危站企圖跳橋，一名熱心婦人見狀，立即抓住其衣衫制止，並充當談判專家，以自己父親的患癌經歷，苦口婆心相勸，終以一句「就算死，都要死得有尊嚴！」令老翁打消死念。
「o靚仔行開 我依家跳樓」
圖自殺老翁姓劉（八十歲），昨晨十一時許，他走到秀茂坪邨秀暉樓一條行人天橋，突然爬出圍欄外壆邊危站，並向橋下籃球場的青年大呼：「G仔行開，我依家跳樓！」
街坊李太（約五十歲）買餸途經見狀，迅速上前抓住劉翁衣衫，獲悉劉無親無故，加上近日發現疑患肺癌，恐治療痛苦，故萌死意，即以自己亡父為例苦勸：「我體會到你辛苦，我自己阿爸七十八歲，喺○三年都係肺癌離開，但係佢知道自己有肺癌，反而好珍惜自己生命，積極面對到最後一秒！」
李太續稱：「有病就要勇敢面對，死就死喺張床度！」當她見劉翁態度有軟化時，再拋出一句：「人總有一死，但死都要死得有尊嚴！」終在消防員及警員到場前勸服劉翁，由三名男途人協助，將他帶回安全位置，送院檢驗。李太對於救人一命感到開心，但擔心劉翁會再次尋死，希望有社工跟進其情況，她稱：「醫院都有善終等服務，照顧呢類病人走最後一程。」