八歲神童數學測試三冠王
【本報訊】「每次書展用兩、三萬蚊買書畀佢，但佢好快就睇晒！」八歲的陳星宏曾經直接從幼稚園中班跳級至小一，不足五歲已看世界地圖、百科全書，昨日更成為三冠王，奪得世界數學測試香港區小學組數學科、解難分析科的小三級最佳表現獎，以及年紀最小雙優生。
年花三萬元買書
「計數好放鬆，唔覺得深，如果唔識就自己諗，自己搞掂！」星宏只短期學過公文數，沒有參加補習班，他表示現時會做小六的數學題目，如代數題，除昨日取得的獎項外，今年初他亦取得奧林匹克數學賽一等獎。
母親陳太稱他坐校巴、小息時都手不釋卷，家中已有六個放滿書本的書架，「出街十幾分鐘，佢就要返屋企，話要睇書。」
書展時陳太皆要走兩、三轉，動用兩、三萬元購書，但星宏只需一小時，已看完厚大半吋的書，「我叫佢睇慢啲，書貴！」星宏稱未來希望成為數學家，他將獲邀參加多項資優課程，如科技大學舉辦的數理優才增益課程、倫敦帝國學院資優生暑期科學營等。