財政司司長鬍鬚曾多次錯估財政赤字，經常赤字變盈餘，已令市民盡失信心，連佢喺預算案發表嘅多項穩定樓市措施，市民都投下不信任票。鬍鬚曾提出優化勾地制度、增加中小型樓宇供應、提高二千萬元以上豪宅印花稅、追收炒樓稅項等多項措施，但港大最新民意調查卻發現，逾六成受訪市民認為上述措施「不能見效」，變相剝鬍鬚曾大牙，難怪佢要做好兩手準備，話政府會喺樓市泡沫形成前預警喇！