湖南湘菜出名勁辣，唔少港人趨之若鶩。不過立法會進出口界議員黃定光（象哥）就畀湘菜嚇到飛起，新正頭遊湖南飲喜酒，結果無啖好食，笑言後悔無帶公仔麵去食喎。中華出入口商會尋日搞新春團拜，象哥貴為副會長，以主人家身份招呼賓客，仲大談新年見聞。原來象哥年初二去咗湖南臨湘，飲姨甥結婚喜酒，點知枱上碟碟辣菜，為免失禮主人家惟有頂硬上。殊不知當地食肆統統無辣不歡，即使叫碗清湯撈飯都辣到噴火。
幾經辛苦終於喺酒店搵到一味白麵包夾蛋白醫肚，結果喺湖南六日以來餐餐啃包，幸好畀佢發現一味小食，就係湖南臭豆腐。呢款豆腐以秘製黑色滷水汁製成，味道完全唔辣，象哥天生乜都食，一於照擦可也，結果一食就唔停得口。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |