本文重點
太子珠寶鐘錶近年生意做到風生水起，廿幾年前，現任執行董事朱鄧麗萍與身為現任主席嘅細佬鄧鉅明，兩姐弟一齊創辦太子珠寶，今時今日，朱鄧麗萍更與鄧鉅明太太鄧宣宏雁攜手服務社會，出任女童軍榮譽副主席，兩姑嫂得閒幫手做吓嘢、籌吓款，不知幾開心。
鄧宣宏雁貪Cartier夠潮
太子珠寶最出名嘅係腕錶，朱鄧麗萍入行咁耐，早已將每隻錶底細摸到熟晒。咁佢心目中嘅最愛是誰？答案原來係伯爵錶！佢欣賞鋪滿鑽石嘅伯爵錶夠晒高貴，廿年前已經擁有第一隻，當時賣十幾萬元嘅鑽石錶，依家相同款式已升值至三十幾萬元。至於鄧太就情迷Cartier腕錶，貪佢款式夠新潮，容易襯衫。
講到依家喺公司工作，鄧太話佢負責幫老公手，仲話自己係全公司最抵請嘅員工，因為冇糧出。鄧太真係好識講笑，成間公司都由老公揸弗，老公嘅嘢咪係佢嘅囉。
卓妮