綠色先鋒：植燃驅蚊
登革熱襲港，截至十一月底，今年本港已錄得一百零四宗確診登革熱個案，當中有三宗屬本地個案。食物及衞生局局長高永文警告，若冬天不加強滅蚊，登革熱可能變成本港風土病。惟市民若使用含化學成分的驅蚊用品，會對環境造成破壞，影響動植物生長。有環保團體不時舉辦天然滅蚊用品工作坊，教市民以香茅及艾草等材料製作蚊香，過程簡單又好玩。
即使天氣漸涼，記者走入位於郊區的自然脈絡農場，仍遭蚊蟲「襲擊」。自然脈絡活動教育助理Ann即時摘下艾草點燃，放在記者旁邊，Ann無奈說：「冇計啦，溫室效應令蚊蟲繼續孳生，特別喺郊外。」正因蚊蟲持續出沒，Ann不時舉辦工作坊，推廣天然驅蚊。
效果媲美化學產品
「市面賣啲蚊怕水、蚊貼呢啲滅蚊產品一般都含有化學成分『避蚊胺』，又加咗防腐劑，用咗會影響人體神經系統，而且對環境唔好，動植物吸入都會影響生長，最後都係人類食番。」Ann認為，使用天然材料驅蚊，效果媲美化學產品，她隨即拿出香茅精油着記者搽在皮膚上，不消一會果然「蚊飛蟲走」，「啲人成日覺得用有化學物嘅（產品）滅（蚊）勁啲，但天然產品一樣得。」
Ann教路，天然滅蚊用品製作簡單，可以香茅混合橄欖油及精油，即可製成香茅精油；而將橙皮曬乾放入紗網袋便可成為驅蚊包隨身攜帶。Ann即席示範了製作天然蚊香，材料包括香茅粉、艾草蓉及水。首先，香茅粉及艾草蓉的比例為一比二，加入兩湯匙的水混合，若混合物太濕，便要加添少許艾草。其後，用紙或膠文件夾摺成圓錐狀，放入天然蚊香，晾乾便可點燃驅蚊。Ann認為，蚊蟲亦是大自然的一部分，人類應先設法將蚊蟲驅走，而非滅絕。
圖：吳啟偉
文：溫盈盈