劉慧卿先前講開平機會前主席鄧爾邦時，總會忍唔住鬧幾句，不過佢尋日就將發炮目標轉向政府，話政府嚟嚟去去都委任退休高官，搞到香港好似冇有能力嘅獨立人士，但係佢認為呢個責任唔應該算喺林煥光頭上，因為佢只不過見到好工去申請，真正有問題嘅係政府收到百幾個申請最終都要揀番自己友。經濟動力梁劉柔芬仲大讚林煥光身為退休高官都肯積極服務市民，總好過有啲前高官在位時唔做嘢，但離開政府後就亂指一通喎。

議員錫住鬧，林煥光都好識做，承諾日後會增加平機會透明度，盡量公開政策同公眾教育有關嘅會議。