阿Ron話毫無戒心將啲相片放上facebook嘅，唔係佢九十後嘅細仔，而係佢六十後嘅大仔。事緣阿Ron有次同佢七歲孫仔沿住高士打道唔同品牌車行陳列室睇車，孫仔愛車，一面睇一面影相，不知幾高興。點知後來有朋友同佢講：「你都好錫個孫喎！」阿Ron一頭霧水，原來朋友喺facebook睇到晒啲相。

阿Ron身兼多職，唔係時時得閒湊孫，早前立法會財務委員會討論高鐵撥款，財委會主席劉慧卿點名要求身兼西九諮詢委員會財務小組召集人嘅阿Ron出席，結果佢兩日坐咗成十粒鐘，只係答咗五條問題咁多。財委會討論高鐵嘅拉布戰，影響真係無遠弗屆！