外號「李漢奸」嘅民主黨創黨主席李柱銘，早前聯同壹傳媒集團主席黎智英等「搞事四人幫」搞咗個密室飯局，企圖迫使佢一手創辦嘅民主黨參與五區總辭，走上同中央正面對抗嘅不歸路，其後有參與飯局嘅民主黨元老司徒華踢爆事件，促成民主黨以大比數否決參與總辭，令李漢奸嘅逼宮陰謀「見光死」。
李漢奸事後仍未死心，聯同另一批黨外人士秘密開會，密謀合組聯盟繼續聲援總辭，點知最後又畀傳媒踢爆咗，當時佢仲堅持呢件係好有意義嘅事，唔排除會邀請埋淫賤黎、前政務司司長陳方安生同前天主教香港教區主教陳日君等搞事之徒加盟。
不過李漢奸尋晚出席公、社兩黨嘅造勢大會時，改口話事件曝光後，唔少參與團體都對合組聯盟撐總辭表示憂慮，不如各自各搞嘢算數，變相承認自己嘅圖謀再一次「見光死」。