Samson同太太前晚仲特登坐船去長洲慶祝，原來嗰度係佢哋兩公婆首次以情侶身份公開亮相嘅地方。當年Samson同太太兩情相悅，但無即時話畀其他朋友知道，到戀情穩定，一次大夥兒去長洲玩嘅時候，先至將戀情公開。

結婚十八年，Samson話好似無再帶過太太重遊舊地，於是趁今次周年紀念，撇低囝囝Arthur過番一日二人世界，由朝玩到晚，行完山又漫步沙灘，Samson嘅如意算盤係同太太撐枱腳食海鮮，結果計劃告吹，改為食缽仔糕補數。正所謂「有情飲水飽」，有時簡簡單單食個缽仔糕，都係種情趣！