變身襟章 登過報紙

曾位至內地證監會副主席嘅Laura，尋日被記者問起關於佢個孫仔嘅事，其表現即刻同普通家庭主婦無分別，笑容甜到漏，透露個孫嘅英文名叫Owen，今年兩歲。雖然寥寥數語，但係從Laura嘅輕柔語氣同燦爛笑容，已經睇得出Laura係幾咁疼愛呢個孫仔。

奧雲仔只得兩歲，不過，其實佢未識講說話前已經上過報紙㗎嘞。上年七月一日，Laura同查懋成現身沙田馬場，畀我哋影到查生心口掛住一個獨一無二嘅圓形襟章，上面印住一幅趣致BB相，嗰個就係奧雲仔。當時奧雲仔十五個月大，塊面肥嘟嘟，極之可愛，唔怪得咁得Laura寵愛啦。