本文重點
男士揀西裝，就如揀女友一樣，燕瘦環肥，各有所好。有人愛直條西裝，有人愛素淨款式，總有佢哋嘅理由。講到心水西裝，莊士集團執行董事莊家彬（Albert）鍾情Prada品牌，卻因Prada專門店喺正佢公司樓下，夠晒就腳，冇拒絕唔買嘅理由！
簡潔高雅易配搭
Albert個子不算高頭大馬，但早前穿起Prada西裝出席「菁英會」聯歡晚宴，透出型男味。「Size 46」係Albert最稱心嘅尺碼。佢話Prada西裝設計簡潔高雅，配乜恤衫都得心應手，啱晒大忙人。女士買衫總愛貨比三家，Albert就愛喺機場掃貨，把握上機前空檔行名店，睇中咗就速戰速決。
Albert對衣衫非常愛惜，身上嘅Prada西裝一着就三年，可惜經常要穿梭沙塵滾滾嘅工地，西裝磨損得比常人快。近年Albert愛上訂造西裝，貪佢變化多又啱身，可以隨心所欲轉款。
卓妮