立法會議員梁君彥（Andrew）身為職業訓練局主席，經常為旗下中華廚藝學院諗計，為貼近飲食潮流脈搏，Andrew喜歡四出搵好嘢食，最近他極力推介灣仔蘭杜街間「蝦麵店」。蝦麵店係食馬來西亞檳城菜，Andrew最愛係「福建滷麵」，他大讚湯底夠濃郁，令人回味無窮，每碗只盛惠三十五蚊啫！
「蝦麵店」廚師丁先生話，佢哋個湯底之所以咁受歡迎，皆因用咗鮮蝦殼熬湯底，飲落分外鮮甜，一日要用上十幾斤海蝦，請兩員工專責剝蝦殼，一啲都唔簡單。蝦麵店麵食有平有貴，最平嘅素麵只係廿七蚊，最貴係四十七蚊嘅海鮮油麵，湯底可選擇辣同唔辣。
蝦麵店好多名人貴客捧場，政界除咗Andrew外，行政會議成員劉江華都係座上客，藝人就有鍾楚紅、黃子華等，連飲食界同行、鏞記酒家老闆甘健成都有去試過。
卓妮