12/01/2010

播放本新聞相關短片

政情：騎呢公投陶君行輸打贏要

社民連同公民黨終於公布五區公投細節，其中包括輸同贏嘅定義，詭異嘅係佢哋堅持一定要有五成投票率才會論輸贏，簡單嚟講，如果投票率唔夠百分之五十就講乜都嘥氣，擺明輸打贏要；作為兩黨聯合委員會副發言人嘅陶君行仲死撐話，五成投票率唔係決定公投成唔成立嘅門檻，只係目標。公文袋及社民連早前仲口口聲聲話，要決定今次所謂變相公投嘅成敗，其中一個條件係投票率必須超過五成，依家又話五成只係目標唔係門檻，擺到明係降低要求兼褪軚。