尋日民協主席廖成利合夥嘅律師行喺九龍開分行，CY都去撐場，佢一改以往「逢問必答」作風，對有關要佢辭職嘅問題以「唔回應」三個字了結。不過一聽到記者話佢批評政府，CY就好大反應，即刻反駁話：「我冇批評政府。」仲叫大家返去睇清楚佢寫嗰篇文章，話內容唔係鬧政府咁話！

袋巾傑籲辭行會

其實CY同政府打對台都唔係第一次，早前嘅最低工資立法以至復建居屋等議題，CY都公開發表過同政府不同嘅意見。公文袋議員梁家傑就話，既然CY已經無跟行會嘅遊戲規則做事，為咗負責任，好應該辭職，唔好破壞成個行會制度。不過民協議員馮檢基就話，CY唔係第一個唔聽話嘅行會成員，歸根究柢都係煲呔曾領導無方，手下班細嘅先一個二個出嚟反佢。睇嚟要盡快處理問題，煲呔曾辭職先至最妥當！