09/01/2010

播放本新聞相關短片

政情：曾德成有被害妄想症？

立法會民政事務委員會尋日檢討東亞運動會舉辦情況，公文袋議員陳淑莊批評政府一味歌功頌德，未有檢討舉辦期間出現嘅甩漏問題。民政事務局局長曾德成聽後突然起晒弶，好似箭豬遇襲咁豎起毛刺反擊，話政府辦東亞運獲得廣大市民認同，又話明白有啲人見到東亞運咁成功會唔高興，所以叫大家唔好睇成為政府舉辦，當係港人搞嘅，咁樣見到成功就唔會睇唔過眼嘞！陳淑莊聽完顯得莫名其妙，仲反問究竟有邊啲人睇唔過眼？再拗落去都係嘥氣。