christy1012 唔好博，因為識好多醫護嘅人都唔建議去打針，啲疫苗有咩副作用都未清楚，咁樣好冒險。

monchuBB 醫生話如果一歲以下BB染咗豬流感，不能吃特敏福，建議幫BB打豬流疫苗，但隻疫苗可能致癱……你哋博唔博呀？

牛精仔 一歲以下BB，又未返playgroup，又少出街，最多都係去下人少嘅公園吸下清新空氣，要打支咁高風險嘅針，no way！

joannecho78 連啲醫生護士，甚至大粒嗰啲都唔敢打，我哋啲小市民邊有信心呀？

Flyfive 愈嚟愈無信心，本來好想打，依家都係諗清楚先。

亞媽個女 唔打，有豬流又可能會死。打，有可能癱，但有得醫。死啦……畀咗錢打，十五十六唔知打唔打好，又無得退錢。

艾爾 好人好姐（雖然本身有病）打完針無喇喇下肢乏力，都可以話支針唔關事，睇住啦，賴下賴下又話人係其他潛伏病造成㗎啦。

sakuraibara 依家其實無乜特別都唔打呢支針，太多不明副作用，唔想做白老鼠。

順勢走一程 對疫苗和其背後故事，相信知道得最多的是世衞總幹事陳馮富珍，她前一陣子說自己剛剛放完假，所以尚未注射，希望傳媒繼續追問，看她有否注射了，如果連她都在拖延，還有甚麼說服力？