原先報咗名參加調查委員會嘅議員有梁劉柔芬、劉江華、梁美芬及林大輝，點湊都湊唔夠七人法定人數，如果係咁調委會就會無限期擱置。尋日忽然傳出保險界陳健波、自由黨方剛及黃宜弘會捱義氣入委員會，不過可能得陳健波成事。

陳健波一直支持調查甘威，希望查個水落石出，加上估計開幾次會就搞掂，所以應承加入。相反方剛就一直指調查甘威係浪費時間，尋日仲表明堅拒加入調查添。至於黃宜弘就話自己已經參加咗三個調查委員會，工作好繁重，就算捱義氣都唔應該輪到佢喎！