天氣雖然凍，楊生就話冇有怕，皆因佢經常要京港兩邊飛，仲話香港點都凍唔過北京。

見楊生講生意經定過抬油，原來佢做司儀仲老定，尋日佢出席一個座談會幫手做主持，席間以普通話作主要語言，本身係福建人嘅楊生一口字正腔圓普通話，佢仲講得好流暢，連「貓紙」都唔使點睇。

不過，楊生謙稱自己講得認真麻麻，加上有人幫佢事前寫好講辭，所以唔係好難，事前亦唔需要特別背稿，睇嚟下次再有活動搞，可以繼續搵楊生做金牌司儀喎。