蒙叔嘅發迹史已多次寫成書，近日港大日本研究系學者Yoshiko Nakano以佢嘅企業家精神為重點，以英文寫成《Where There Are Asians, There Are Rice Cookers——How "National" Went Global via Hong Kong》，講及一家日本跨國大公司如何透過蒙叔將電飯煲推銷全世界。書中透露蒙叔賣飯煲全靠「食腦」，佢有次睇見日本工程師研發嘅飯煲唔多夠蒸氣，飯熟時無乜聲氣，下令要求改良，令飯熟時有「噗噗聲」，話咁至夠色香味俱全。

呢股「飯煲熱情」連公子蒙德揚都深受感染，蒙仔更將飯煲「升呢」焗埋蛋糕，將公司茶水間變成實驗室，搵嚟女同事幫手研發飯煲蛋糕配方，呢款飯煲後來賣個滿堂紅，蒙叔後繼有人，飲得杯落嘞。