任職廣告工程的梁志榮是家中孻仔，有兩姊兩兄，生前與父母同住。梁的兩名胞姊及叔父昨到庭旁聽，大姊形容胞弟為人溫馴，從不惹是生非，與家人感情深厚。志榮早年眼見兄姊均成家立室，便自願肩負照顧兩老的責任，「佢好乖，好孝順又顧家，個個月將三分之二嘅人工畀爸爸媽媽做家用同供樓。」她說，志榮為人內向及寡言，平日多留在家陪伴父母，「嗰日唔知點解會去嗰度燒烤，搞到冇咗條命……」梁姊氣憤地稱：「我細佬做咗咩？要打死佢！佢哋唔係人！」

梁志榮不幸遇害，其年邁雙親深受打擊，心情最近才稍為平復。梁姊表示，胞弟在中秋迎月夜遇害，令一家人每逢佳節倍添愁緒。兩姊妹因思念胞弟，經常到大浪灣拜祭，去年中秋節前，即梁志榮的死忌，她們亦有到案發現場憑弔亡弟。梁姊稱，當時目睹一名被告同太太在現場歎下午茶，令她們更添悲憤。

拒絕被告拜祭亡弟

梁志榮的家人日內會到其靈前告訴他判決結果，希望他在天之靈得以安息。對於有被告說希望道歉和拜祭胞弟，梁姊激動說絕對不會接受，「唔好騷擾我細佬！」

她說，事發一年來無人向她們表示歉意，「每次到庭旁聽，我只係見到各人神態輕鬆自在，根本就毫無悔意，我唔相信佢哋真心內疚。」她又對於有多名被告早前獲無罪釋放感到無奈，「法庭幫唔到我細佬取回公道。」

■記者林靄雲