自去年十一月起，全港僅有九龍公園跳水池開放予公眾使用，致使用者日眾。胡先生早前便使用上述跳水池，未料剛浮上水面之際，隨後的泳客竟即時起跳，並於胡的身旁插水，兩人險告相撞。

縱容違規動作 懶理投訴

胡對場邊救生員對泳客「亂嚟」視若無睹大為氣結，即時向泳池辦公室投訴，卻遲遲未獲回覆，「呢啲係乜嘢工作態度？救生員見到有問題應該及早制止，唔係等出咗事先去救人！萬一真係喺水入面撞埋一舊受傷，責任喺邊個度？」胡認為事涉嚴重失誤，要求康文署交代事件。

「泳客跳水未必受過訓練，康文署又冇好好咁規管（跳水池），真係好易有危險！」香港業餘游泳總會義務秘書長王敏超稱，近年跳水泳客增加，惟跳水池不足，容易因擠迫發生意外，康文署應檢討管理指引及使用守則，並向救生員下達清晰指引，責成嚴格跟從，避免發生意外。

油尖旺區議員孔昭華認為，救生員須緊守崗位保障泳客安全外，康文署在事件中亦責無旁貸，應就現行機制檢討，「救生員制止唔到違規泳客，就要向上級反映！康文署平時亦巡多啲、睇緊啲救生員工作表現，講明失職罰則，咁先起到阻嚇作用！」

水中泳客（圓圈示）尚未離開跳水區，另一泳客（箭嘴示）已作勢起跳，但救生員（右）卻未有制止。

泳客在跳板打側企跳，動作危險，救生員未有阻止。

康文署認衰 急補鑊訓示

康文署發言人承認有救生員違反守則，並就事件致歉。發言人重申，跳水範圍內已張貼跳水池安全守則告示，對於救生員未有及時制止違規泳客、危及其他泳客安全，當局已嚴厲警告，訓示救生員當值時高度警覺，須即時制止泳客危險行為。倘情況突然，亦須於事後勸喻泳客及向主管匯報。發言人又稱，該署已提醒泳池主管迅速跟進市民訴求。

劉小姐：「見過小朋友喺池邊跳水，啲救生員都冇阻止！康文署真係要加強吓水上安全教育！」

黃女士：「一人多秩序就好亂，救生員應該多啲巡吓，唔好坐梗喺位度，康文署都要睇緊啲救生員嘅表現！」

高危運動亂跳如玩命

跳水屬高危運動，即使跳水運動員受訓時亦有機會受傷，未經訓練的市民更須倍加留心。香港浸會大學體育系副教授雷雄德指出，跳水屬高危運動，過去便曾有跳水致全身癱瘓事例，建議跳水者須學習基礎技巧外，更須遵守安全規則，「唔單止要留意水面情況，如果唔跟基本動作做，入水嗰陣就好易膊頭甩臼，頭頸、膝頭同腳踭都會受傷。」雷又強調，不按守則跳水，「等於攞自己條命做賭注」，一旦兩頭相撞，將會危及生命。

■記者 吳琰玲