學hea不成嘅任總，聖誕前喺北京宣布幫中國金融學會做執行副會長，佢冇留喺北京過個白色聖誕。尋日見佢一條「冷」雙手插袋喺中環出現，着住套黑色西裝嘅佢，襯埋條彩色頸巾，加埋個招牌髮型，真係瀟灑中帶幾分調皮，其實都開始有啲hea嘅神態。問佢嚟緊新年有咩新願望，佢仲鬼鬼馬馬咁話︰「願望係我自己嘅，唔講得畀人聽。」

攞住一疊文件行過嘅阿松就「正經」好多，唔知係咪因為國際金融危機仲未過去，所以搞基金投資嘅阿松都唔敢鬆懈，佢話聖誕節除咗陪家人參加崇拜之外，直到新年都依然無得放假去玩。相比之下，做義工嗰位真係好似爽好多，唔知下次義務工作發展局要宣傳，會唔會搵任總做代言人呢？