今日係Boxing Day，又係大家拆聖誕禮物嘅時候；另一半送咩禮物畀自己，都應該揭盅了。早前我哋撞到太古中國主席陳南祿，祿哥話早已為太太準備咗一份特別聖誕禮物，不過唔係啲咩金銀珠寶，而係一張慈善機構發出嘅捐款收據。
原來近幾年聖誕節，祿哥都會捐錢畀慈善機構，再用捐款收據做聖誕禮物，因為佢覺得咁樣比起買嘢更加有意義，既可以幫到有需要嘅人，幫到人自己又開心，每個人都可以喺呢個普天同慶嘅日子高高興興，一舉兩得！不過祿哥唔肯透露捐咗幾多錢。其實祿哥早喺國泰掌舵時已經鍾意做善事，以前曾經幫手撮合國泰同慈善機構合作，將國泰飛機上用舊咗嘅飛機氈收集好，分批送畀佢哋，再分發畀露宿者，實行減少浪費、物盡其用！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
