立法會尋日搞咗個現任同前任議員午餐聚會，十四個前議員包括有簡福飴、林貝聿嘉、夏佳理、吳亮星等，現任議員就有十二個到場。身為立法會前酒王嘅黃宏發一見現任酒王黃宜弘如見知音，即時互隊烈酒，杯來杯往杯杯清，搞到坐埋一齊嘅張文光都唔好意思隔岸觀戰置身事外，最後清晒一杯先離枱，臨走前最清醒嘅佢，除咗拜服黃宏發同黃宜弘兩位立法會新舊酒王之外，仲封咗羅致光為民主黨酒王；而佢就自嘲係「酒仙」，Sorry……寫錯……係「走先」，因為佢趕住開會所以要走先。
酒過三巡，羅致光就仲行到直線，不過雙黃就要坐低回氣一陣先可以離場，唔知佢哋係豪飲得滯，定係拳怕少壯呢？
立法會每年都搞一次新舊議員聚餐，嚟緊二○一一年立法會就會搬新大樓，喺舊大樓只會搞多兩次，所以立法會主席致辭時特別提醒大家明年就臨別秋波，希望各位新舊議員都可以出席，一齊同立法會Farewell。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |