十七歲的周凱盈，報稱是學生，對上一次公開活動是出席上月的一個首映禮，昨日沒有接聽電話，將電話轉駁到留言信箱。她的前經理人Admond說:「因為佢轉咗返日校，所以已經冇咩時間接Job，我哋已經冇同佢續約，因為佢屋企人想佢專心讀書，我都係有時畀freelance佢做，一個月前見過佢，冇聽佢提過呢件事，同埋之前都完全唔察覺佢吸毒，我都好少理model嘅私生活，因為都控制唔到佢哋，今次發生呢件事，真係對佢好失望，我諗之後我搵model合作時都會叫佢哋驗咗毒先。」

曾被指曠課出騷踢出校

周凱盈因在暑假期間拍攝PS3的網劇《夏之盛放》而成為o靚模，雖然年輕，但從不吝嗇自己的33B身材，與一眾師姐一起拍攝寫真，吸引不少電車男注意，更與另一位o靚模勞詠君（Tian）被喻為翻版Twins。周絕少提及家庭背景，聲稱自己不是賣肉，而是賣親切感。

另外，周與胡心諾（Rainbow）私交甚篤，除了是好朋友外，也曾在同一中學讀書，Rainbow不但帶她入行，而且在學業上與她共同進退。七月時，有指二人因曠課出騷被踢出校，但兩人卻解釋是主動要求退學。惟周沒有放棄學業，九月時被拍得炮台山放學時的照片，並表示望能專心完成中五課程，此後也鮮有公開露面。

案件編號：ESCC 5569 / 2009