大閘蟹季節臨近尾聲，肥美蟹膏令人齒頰留香，但食物及衞生局常任秘書長李淑儀（Sandra）就規定自己每次食大閘蟹，只可淺嘗一隻，無他嘅，咪係女人為咗貪靚囉！Sandra尋日以一身明艷照人嘅鮮紅裝束、攞住個Salvatore Ferragamo（飛甩雞毛）手袋，出席兒童癌病基金暫顧及復康中心開幕禮，忽然想起她已五十有七，但仍保持到標準身形，莫非在keep fit方面有秘訣？
原來Sandra有佢嘅獨門秘方，就係無論幾忙都好，每朝早必定準時六點鐘起身走去做gym，每次做足三十分鐘。但單靠運動當然唔夠啦，Sandra話除咗運動外，仲要均衡嘅飲食，好似高膽固醇嘅大閘蟹，就唔可以食咁多，每次只係淺嘗一隻。